COCIÑA
Unha boa cociña vén denotada polas mans que habiten nesta, máis que polos electrodomésticos que a compoñan. As mans de Ana elaboran, día a día, unha calidade composta polo olor, a cor, o coidado, a paciencia…
Os pratos que saen da cociña a unha das mesas de Fogar do Selmo son unha firma da identidade e da tradición dese lugar. O porco celta adáptase a diversas formas, mais sempre leva consigo o mesmo significado: fogar. Ana e Manolo son os principais encargados deste cometido.
As vigas que sosteñen a cociña en pé poderíase dicir que son os xamóns, lacóns e touciños que penduran do teito nalgunha das esquinas da estancia, esperando a que, nalgún momento, Ana ou Manuel requiran da súa función para conformar un dos seus pratos, colocados con habilidade sempre na vaixela tradicional azul e branca, que baila constantemente polas mesas dos salóns, polos corredores e dentro da cociña, de man a man.
Cada persoa que atravesa a porta de Fogar do Selmo, chegan coa cobiza desas receitas de porco celta elaboradas polas mellores mans.
​
Que é o que máis vos gusta do porco celta?
​
Unha receita especial en Fogar do Selmo:
O porco celta ó forno canario
​
Necesítase:
-
Forno
-
Carbón
-
1 Porco Celta
-
Sal
-
1 kg limón
​
O primeiro paso é improvisar un forno de adobes.
A continuación, quéntase o forno con carbón durante máis ou menos 12 horas.
Entretanto, prepárase o adobo con sal e zume de limón.
O adobo engádese 1 hora antes de darlle a volta.
​
​
​​​
​
​
Percepcións sensoriais:
​
A causa da calidade da carne, a cal ó ter maior idade retén máis auga, e do potencial xenético da raza para a acumulación de ácidos graxos de xeito intramuscular, a carne de porco celta vén dotada duns trazos moi definidos:
-
Xugosidade e tenrura
-
Arrecendo e sabor
-
Intesa coloración avermellada
Propiedades nutricionais:
-
Elevada en ácidos graxos
-
Elevada en ferro
-
Elevados contidos de minerais e vitaminas procedentes da alimentación vexetal
CARNE
Fundamental nun inverno galego, o cocido celta: coas súas fabas, verduras e patacas, sen esquecer os chourizos e as mellores parte do porco. Para os exquisitos, a degustación de porco celta á prancha pode ser a mellor opción. É un dos mellores xeitos de catar este manxar caseiro. A paleta ó forno ou a costela con arroz caldoso e setas, son dos pratos máis elaborados e pedidos polos que visitan este restaurante. Percíbese o seu bo ulido de lonxe!
O xamón e o chourizo destes porcos celtas son envexables polo seu sabor e tenrura. E todo aquilo que preparen esas dedas expertas que hai en cociña será acompañado polos produtos da horta, que cultivan con tanta destreza. Alén destes alimentos tamén queren levar á mesa outras receitas con carnes de especies galegas, como a tenreira cachena ó forno, o cabrito galego ou o galo de Mos.
O da terra vai ó prato, coa única mediación da súa maña. Durante anos, unha procura constante do mellor da nación de Breogán para ofrecer a todo aquel que queira coñecer un pouco máis dos petiscos de Galicia. Doce anos constrúen unhas mans. Doce anos constrúen unha cociña, unha carta de menús, unha colección de xogos de cubertos, unha tradición. En resumidas contas, doce anos constrúen o sabor dun fogar.